Сцена

(Видео) Црногорец во стилот на Луис Суарез – го гризна противничкиот фудбалер

Од Triling Mk 53

Црногорскиот фудбалер Милутин Осмајиќ беше главен актер на натпреварот помеѓу Престон и Блекбурн.

Во дуел каде немаше голови, беа забележани многу груби прекршоци кои беа санкционирани со два црвени картони.

И покрај се, потегот на Осмајиќ го одбележа натпреварот.

Осмајиќ сакаше што поскоро да го изведе слободниот удар, а противничкиот фудбалер Овен Бек, кој заработи црвен картон за остар старт, го оневозможуваше во тоа.

Фудбалерот од Никшиќ се изнервира и го гризна противникот за врат.

Осмајиќ успеа да помине без картон иако Бек неколкупати на судијата му покажуваше дека е гризнат.

Осмајиќ на овој начин потсети на легендарниот Уругваец – Луис Суарез, кој неколку пати во кариерата имаше вакви испади на теренот, забележителни се оние против Џорџо Киелини и српскиот фудбалер Бранислав Ивановиќ.