Автомобил рано утринава удри во оградата на руската амбасада во Букурешт, соопшти тамошната полиција.
Во извештајот се наведува дека инцидентот се случил утринава околу 06.30 часот, дека автомобилот се запалил откако удрил во оградата на руското дипломатско претставништво и дека возачот загинал на самото место .
На улицата каде што се наоѓа руската амбасада сообраќајот се одвива отежнато додека припадниците на полицијата ги утврдуваат околностите на инцидентот.
На видео објавено на социјалните мрежи се гледа дека автомобилот е зафатен од пламен додека припадници на обезбедувањето трчаат нив областа.
Според полицијата, пожарникарите кои пристигнале на местото на настанот успеале да го изгаснат пожарот.
Засега нема информации за евентуалниот мотив или други детали.