Tуристички автобус удри во куќа во Турција, при што загинаа најмалку две лица.
Како што пишуваат турските медиуми, 32 лица се повредени, од кои четворица потешко, во турската провинција Мугла.
„Автобус што превезувал локални туристи на еднодневна екскурзија удрил во три паркирани автомобили во квартот Ула на влезот во градот Акјака откако му откажале сопирачките и застанал дури откако удрил во ѕид од куќа“, се наведува во извештајот.
Од ударот неколку патници се исфрлени од автобусот, а неколку лица останале заглавени во возилото, по што противпожарните бригади ги спасиле.