Диететичарка ги издвои петте најдобри намирници за јадење, кои природно го зајакнуваат имунитетот

ПРАВИЛНАТА и урамнотежена исхрана влијае на целокупното здравје, а одредени намирници ја поддржуваат работата на имунитетот со своите хранливи материи, кои се неопходни за одбрана од разни болести. Диететичарката Натали Ризо издвои неколку од најдобрите намирници кои треба често да ги јадеме, токму затоа што природно влијаат и ја поддржуваат работата на имунитетот.

Овошјето и зеленчукот се претежно на нејзината листа, но диететичарката ги издвои и намирниците како јајца и екстра девственото маслиново масло.

Храната избрана од диететичарката е богата со витамини и други хранливи материи кои му помагаат на телото да се бори против инфекции, вируси и болести. Подолу се дадени неколку од најдобрите намирници кои, според Ризо, треба често да ги додаваме во менито.

Црвена пиперка

Според диететичарката, црвената пиперка е најдобриот зеленчук за зајакнување на имунитетот. „Црвениот пипер е суперхрана богата со витамините Ц, А и Б, што значи дека има тројна моќ за зајакнување на имунитетот“, истакнува таа. Додава дека црвените пиперки се одличен избор за оброк бидејќи може да се јадат сирови, варени или печени, што значи дека може да се комбинираат во различни јадења.

Портокалите

Портокалите се познати по тоа што се богати со витамин Ц, па не е изненадување што се наоѓаат на листата на намирници кои го зајакнуваат имунитетот. Сепак, диететичарката посочува дека при конзумирањето на портокалите треба да се има на ум една важна работа. „Ова овошје е преполно со витамин Ц и други хранливи материи, но погрижете се да го јадете целосно, а не само како сок. Ќе внесете повеќе витамини во вашето тело ако јадете портокал, а не ако само го исцедите“, вели Ризо.

Јајца

Како уште една корисна храна, диететичарката ги издвои јајцата. Таа истакнува дека јајцата се одлична храна за природно зголемување на витаминот Д без изложување на сонце. „Оние кои консумираат доволно витамин Д се разболуваат поретко, а јајцата содржат голема количина на овој витамин кој го зајакнува имунитетот, особено жолчките кои не смеете да ги избегнувате да ги јадете“, истакнува таа.

Екстра девственото маслиново масло

Маслиновото масло е централна состојка на медитеранската исхрана, позната и како најдобрата диета во светот. Тоа е „богато со полинезаситени масни киселини“, што го прави добар извор за секој кој внимава на холестерол или сака да се храни здраво за своето срце. Тој додава дека јадењето маслиново масло помага и „да се спречи деменција и да се зајакне имунитетот“, пренесува New York Post.

Спанаќ

„Спанаќот содржи витамини А и К, како и фолна киселина, железо, магнезиум и антиоксиданси кои го прават моќен зеленчук“, истакнува Ризо. Тврди дека спанаќот треба да се јаде често, а може да се комбинира во појадок, салати, како прилог за време на ручекот или вечерата. Според диететичарката, спанаќот е „храна што треба да ја јадете неколку пати неделно“.