Анке Холштајн – амбасадорката на Германија во земјава на Фејсбук објави дека од февруари германската амбасада ќе го подобри системот за доделување термини за т.н. визи за Западен Балкан.
„Поради Вашите многубројни реакции и сè уште многу големиот интерес за термини за поднесување на барање за виза, од февруари 2022 г. секој месец ќе се применува постапка на лотарија. За таа намена, во февруари за првпат ќе се отвори нов список за регистрирање, кој ќе биде неприкинато отворен за подолг период (најверојатно за околу две недели). Потоа, по случаен избор, со помош на компјутерски управуван генератор во лотариска постапка, од сите регистрации ќе се извлечат оние, на кои ќе им се додели термин за месец март 2022 година“ – напиша Холштајн на ФБ.