Судењето на Урош Блажиќ, кој на 4 мај минатата година изврши трагично злосторство во селата Дубона и Мало Орашје во Србија, каде уби девет лица, рани 12, а се обиде да убие уште 20 лица, е закажано за 23 мај.
Тоа ќе биде првично рочиште, а процесот ќе се одвива во Вишиот суд во Смедерево.
Судењето ќе го вклучи и таткото на Урош, Радиша Блажиќ. Во Крагуевац ќе се одржи судењето и на вујкото и полубратот на Урош Блажиќ.
Радиша Блажиќ обвинителството го обвинува за кривично дело недозволено изработување, држење, носење и пуштање во промет оружје или распрскувачки материјали, комбинирано со кривично дело тешко кривично дело против општата безбедност.
Радиша Блажиќ како и неговиот син ја изнесе својата одбрана пред Вишото јавно обвинителство. Додека Урош признал дека го сторил делото за кое е обвинет, неговиот татко негира се и тврди дека не знае од каде е арсеналот оружје во куќите што ги поседува и каде живееле Урош и тој.
– Живеам со моето семејство во Долна Дубона. По професија сум воено лице. Имам чин од 2008 година, како полковник во Министерството за одбрана, како началник на воениот архив во Белград. Во однос на кривичното дело кое ми е претставено во кривичната пријава и се товари, а тоа е кривичното дело недозволено изработување, држење, носење и тргување со оружје и распрскувачки материи, можам да констатирам дека на 5 мај, во мојот семеен дом во Долна Дубона, извршен е претрес од страна на полициски службеници при што е пронајдено одредено количество оружје. Составен и издаден е записник за претрес на стан и други простории, потпишан од мојот син. Не сум сигурен каде бев тогаш и зошто не го потпишав записникот. Откако прочитав што е земено и каде, можам да констатирам, во врска со воздушната пушка што беше пронајдена во помошната просторија на полицата, дека тоа е пушка на мојот дедо. Станува збор за стара пушка која долго време стои таму. Мислам дека воздушната пушка не е во функција. Што се однесува до муницијата што беше пронајдена кај мене, не знам од каде е – изјави Блажиќ во обвинителството.
Тој рече дека со години живеел во куќата во Долна Дубона со семејството и дека тој и неговата сопруга ја користеле спалната соба во подрумот, додека горе имало четири соби – Урош повремено спиел во една, таткото на Радиша во една, а неговиот постар син со сопругата во друга, додека четвртата соба не била користена.
– Не знам во која просторија е пронајдено наведеното оружје. Како што реков, не ни знаев дека постои тоа оружје. Во врска со претресот што беше извршен на 9 мај во куќата во која живеам, во таа прилика полицијата во мојата куќа најде оружје. Јас го потпишав записникот. Знам дека во тоа време полицијата ми најде и ми одзеде ловечка пушка за која морам да кажам дека имам дозвола, како и малокалибарска пушка и „карабина“. На полицијата и ги покажав сите дозволи за држење оружје. Што се однесува до пиштолите, тие не се мои, тие се пиштоли на моите синови. И на полицајците им ги покажав дозволите за тие пиштоли. Кога станува збор за оптичкиот нишан, мислам дека е од воздушна пушка – додаде тој.