Патријархот на Српската православна црква (СПЦ) Порфирие во понеделник во Охрид ќе ја предводи службата на обединувањето на Македонската православна црква – Охридска архиепископија (МПЦ – ОА) и Православната Охридска Архиепископија (ПОА), објави порталот „Религија.мк“.
Според информациите, во понеделник во црквата Света Софија во Охрид, МПЦ – ОА и ПОА официјално ќе се обединат во една црква, односно четворицата владици на ПОА заедно со свештениците (од СПЦ) се за враќање во МПЦ – ОА.
Според информациите на порталот, на заедничката богослужба, која ќе ја води патријархот Порфирие, ќе служи само дељадро-илинденскиот владика Јоаким од ПОА, а останатите владици преку молитва ќе учествуваат во богослужбата.
На патријархот Порфирие ќе му помага Архиепископот на МПЦ – ОА, Стефан и тројца епископи на таа црква кои отстапуваат делови од нивните епархии на нови епископи од ПОА, црквата предводена од архиепископот Јован Вранишевски, егзарх на сите епархии на Српската православна црква во Северна Македонија.