Петер Сијарто – министерот за надворешни работи на Унгарија рече денеска во Скопје дека екстрадицијата на поранешниот македонски премиер – Никола Груевски е правно прашање за кое е задолжен судскиот систем.
„Ова не е политичко, туку правно прашање. Тоа е работа за судскиот систем и во Унгарија политичарите во врска со тоа не може да поставуваат прашање“ – изјави Сијарто на прес-конференцијата во МНР на која беше и шефот на дипломатијата Бујар Османи.
Никола Груевски побегна во Будимпешта во 2018 година каде доби политички азил.
Тој е обвинет во повеќе судски процеси и осуден во предметот „Тенк“ на две години затвор за набавката на луксузниот мерцедес.