Северна Кореја денеска истрела неидентификувана балистичка ракета во водите во близина на нејзиниот источен брег, соопшти јужнокорејската војска.
Детали за лансирањето не се објавени.
Лансирањето, едно од многуте извршени од Пјонгјанг оваа година, доаѓа по извештаите дека Северна Кореја можеби се подготвува да лансира подводна балистичка ракета.
Јапонската крајбрежна стража, исто така, соопшти дека е можно да е лансирана балистичка ракета, врз основа на информациите од јапонското Министерство за одбрана.
Јапонскиот медиумски сервис NHK објави дека истреланиот објект паднал надвор од ексклузивната економска зона на Јапонија.
Ракетата беше лансирана неколку дена откако американскиот носач на авиони на нуклеарен погон пристигна во регионот на вежби.