Ременски: Не сум задоволна од излезноста на членството, јас сум фер играч, повикувам на обединување

Фросина Ременски – една од тројцата кандидати за претседател на СДСМ вечерва, по завршувањето на гласањето на вонредните внатрепартиски избори во партијата рече дека воопшто не е задоволна од излезноста на членството

„Од она што го слушам и од Централната изборната комисија, воопшто не сум задоволна од излезноста на нашето членство. Тоа е сериозно прашање за една внатрепартиска дискусија во однос на она што го очекуваме и како исход и како резултат. Можеби не се толку важни резултатите, како прашањето зошто нашето членство одлучи да не излезе на изборите. Имам забелешки и ќе ги кажам. Мислам дека токму од тие прашања треба да тргне недекларативната залоожба за обединување. Верувам и знам дека предноста секако ја имаше Ковачевски. Ќе ги слушнам резултатите, ќе му подадам рака и ќе му посакам се најдобро, ќе му порачам да се погрижи многу повеќе за она што значи партиска работа, обединување на партијата. Се надевам дека после вакви резултати ќе може да направи многу повеќе и можеби ќе се отвори онаа дискусија во партијата дали е возможно премиер и претседател на партија да менаџира вака сериозни процеси“ – рече Ременски.

Таа вели дека била една од ретките во партијата која повикувала на обединување.

„И не лицитирав со ништо кој, зошто и поради кои причини треба или не треба да биде вклучен и имам сериозни аргументи зошто тоа вечерва ќе го истакнам пред Централната изборна комисија и ќе ги посочам пунктивите од каде што треба да тргне обединувањето. Ја сум фер играч, мојата идеја за кандидирање на овие избори и како цели ги постигнав зашто претпоставувам ќе излезат на површинанекои прашања кои ќе и помогнат на партијата да ги надмине предизвиците пред кои е исправена“ потенцираше Фросина Ременски.