Сцена

Меси дефинитивно заминува од ПСЖ

Од Triling Mk 78

Лионел Меси утре ќе го одигра последниот натпревар за ПСЖ, потврди тренерот Кристоф Галтие.

Договорот на Меси со ПСЖ истекуван а крајот на оваа сезона, а во последниот период Аргентинецот беше во конфликт со навивачите. Неговото заминување се најавуваше, сега е и потврдено.

„Имав чест да го тренирам Меси, најдобриот на сите времиња. Овој викенд Меси ќе го одигра последниот натпревар во дресот на ПСЖ против Клермон“, изјави Галтие во најавата за натпреварот.

Меси за две сезони во ПСЖ одигра 74 натпревари и постигна 32 гола, додавајќи 35 асистенции.

Двапати беше шампион на Франција, но не успеа да ја освои Лигата на шампионите. Во медиумите се најавуваше враќање во Барселона, но се споменува и Ал Хилал во Саудиска Арабија.