„Македонските Бугари мора да бидат рамноправно третирани со другите народи во С. Македонија“

Амбасадорот на Бугарија во Велика Британија, Марин Рајков во интервју за „БГНЕС“ смета дека „преговарачката рамка за Република Северна Македонија мора да содржи гаранции дека Договорот од 2017 година ќе биде имплементиран и во однос на опфатот на зедничката историја во учебниците и во поглед на – како што никој не може да го оспори правото на некои од денешните граѓани на РС Македонија да се самоидентификуваат како Македонци, така не е прифатливо да се оспорува самоопределувањето на нивните предци како Бугари. Плашејќи се од историската меморија на нејзините граѓани, не ја достигна потребната демократска зрелост за да ги започне преговорите за членство во ЕУ. Коридорот 8 не е само транспортен проект туку и геополитичка порака“.

На прашањето каде е решението за брзо решение на спорот меѓу Бугарија и Македонија, Рајков вели:

„Да, навистина, овој период од годината не потсетува дека на 7 јануари 1945 година, југословенските власти и локалните соработници започнаа кампања за насилна дебугаризација на Вардарска Македонија, позната како Крвав Божиќ. Престрелките во Скопје и во штипската касарна и задушувањето на воените немири на нашите сонародници против југословенските власти, на кои масовно им се придружија и цивили, беа само почеток на крвавата репресија која ги однесе животите на илјадници македонски Бугари кои одбија етнички инженеринг. Оваа трагична страница не треба да се затвори без да се прочита. Нема да може да се бара попустливост за извршените злосторства со европско легитимирање на идеологијата во име на која тие се извршени. За да стапне на патот кон Европа, РС Македонија ќе мора да помине низ својата катарза – онаа низ која поминаа сите поранешни комунистички земји кои пристапија во ЕУ. Во јули минатата година, високиот претставник на ОН за Босна, Валентин Инцко, го прогласи за кривично дело негирањето на југословенското истребување во Сребреница. Она што го правеше југословенскиот режим во различни времиња, не може да се третира поинаку“.

Според него, проблемот e европски, а неговото решение е важно затоа што европската перспектива на Скопје е неотповиклива и во исто време неразделна од почитувањето на следните европски принципи.

„Прво се реализираат договорите. Нормално е Бугарија да инсистира на гаранции во Преговарачката рамка за Република Македонија дека ќе се имплементира Договорот од 2017 година – и во смисла на одраз на Заедничката историја во учебниците и во поглед на напуштање на старите претензии кон Бугарија од југословенско време. Гаранции во преговарачката рамка се потребни и поради упорните закани на антиевропската опозиција во РСМ дека ќе ги саботира договорите со Бугарија и Грција. Всушност, имплементацијата на Договорот од 2017 година е веќе услов во последните заклучоци на Советот, поради што прашањето е навистина европско“, тврди Рајков.