Во земјата во која има најмногу детективи по глава на жител и фејсбук Поаровци и Мис Марпловки, во земја каде што, кој како стигне си коментира и фрла грандиозни тези и хипотези; кај што секој се бави со секој друг и откако “уздуж и попреко” се истакнаа со “стручно” мислење за двократно убиство без грам чувство за осет спрема блиските…., сега, во оваа земја ете ја и наездата со нови анализи и “експертизи на новата тема”. Па слушаме и читаме геостратешкиот налет на импресии правени по гранап методологија за одлуката на ЕУ во врска со асоцијативниот статус на Украина и Молдавија.
Во МАНУ, на пример, на тој свечен вергиниозен собир на менгелеевци и по телевизии, убаво вели професорката Мирјана Малевска, официјално се “отвори војна кон ЕУ ”. Следствено, низ јавниот простор ќе се стимиулира евроскепсата се повеќе и повеќе, со цел да се амортизира штетата што ја направи опозицијата со само-блокадата, и ќе се вперува прстот кон ЕУ, наместо кон сами себе. Ок. Очекувано. Но сепак, косистентно деструктивно.
Многу декструктивно!
Извинете Патриоти-Евроскептици, ама мора малку и соочување, sorry !
Ќе мора малце да и да се разочарате и ќе мора малце да се увиди дека актуелната евроскепса е всуштост замаскирана МАЕДОНОСКЕПСА; или кавер, екскјуз, и оправдание за најниското можно ниво на самопочит и самодоверба во својата држава.
Предлагам, прво да се погледнеме себеси, и да се потсетиме на несоборливите факти за она ште се случуваше во изминативе година ипол
1.Добивме преговарачка рамка која можеби и задира во нашата балканска суета, но, сепак рамката БЕНИГНО ја таргетира истата таа ВЕЛИКОМАЧЕЧИНИЧКА СУЕТА со додадевњето на другите народи во Уставот. И, ова е гола вода, компарирано со претходните налудничави барања на бугарската политика – сите тие беа ОТСТРАНЕТИ од Преговарачката Рамка.
2.Не знам уште кој од ЕУ и САД не дојде и на кој уште јазик не ни кажаа (вклучителни и на чист македонски) дека промената на уставот е нашата карта за ЕУ, ама јок бре брате не допре тоа до некои политички фактори кои за жал имаат побитни работи од нашите ЕУ интеграции.
- Украина ниту стана, ниту во блиска иднина ќе стане членка на ЕУ, затоа што ова директно зависи од исходот од војната која ја води и чиј што крај супште е невидлив.
- она со кафето на Орбан, што го третираме популарно како преседан, всушност беше покритие за него, затоа што паралелно со кафето – уследи и ВИСТИНСКО ВЕТО од негова страна спрема Украина. Имено, тој ја блокираше помошта од 52 милјони, со што суштествено го утепа Зеленски. Значи, симболично “ѓоа помогна” за статустот на асоцијација, а фактички ја закопа Украина со ветирањето на паричната помош. (која патем се повеќе се намалува како од ЕУ , така и од САД).
Накратко, трикот со кафето, беше оправдување и матење вода за реалното вето.
Поентата ми е дека, неможе изолирано да се тумачат процесите, само од нашата калимеро перспектива. А контекстот е таков што Путин преку Орбан , сепак успеа да ја ослабе Украина – независно што не изгледа баш така !
И виситинските анализи мора да ја земат во предвид и ова перспектива.
- Ние, ни слулајно, не би смееле да запаѓаме во дефетизам, заради тоа проклето празно столче. Затоа што и во наш инетерес е Украина да има таков статус, кој ние го добивме на првата меѓувладина конференција, но, кој го само-блокиравме со уставните неизмени и сега неможеме да ја видиме Втората Меѓувалдина Конференција на Советот.
- конечно, не дај боже да се споредуваме со Украина и Молдавија, кои се под непосредна закана од Путин. Иако, со оваа и претсојна евроскептична динамика овде, која влече со себе и високо ризични безбедносни предизвици – најдобро да си ја гледаме нашата работа и да си ја следиме нашата агенда и нашиот интерес.
Затоа, замолувам сите компарации со соседните земји, како и со Украина и Молдавија да ги остаиме надвор од нашите “аналитички” коментари, оти не само што не се релевантни, туку, и им одат во прилог на “третите мрачни страни “, затоа што имаат за цел да ја јакнат евроскепската,пардон, Македоноскепсата, а со тоа да не одвратат од нашата стратешка цел.
Значи, со ладни глави и со аналитичка изостреност, со воља да се држиме до нашиот државен интерес пред се, мора да се носат мудри одлуки кои ќе ни гарантираат подобар и поквалитен живот тука, кај нас дома.
Полека со имресиите и скакање во ладна вода.
Полека и со вергина знамињата (во МАНУ го ставиле на говорницата?! Замислете!)