Поранешниот претставник на САД за Западен Балкан, Ричард Гренел, денеска ја обвини Германија дека „стои на погрешната страна на историјата“ нудејќи му поддршка на премиерот на Косово, Албин Курти.
Вака реагираше Гренел на најавата на германскиот амбасадор во Приштина, Јорн Роде, на платформата Х, во која тој информира дека државниот секретар на германското Министерство за одбрана Сиемтје Молер го посетила Косово и Метохија и дека имала средба со Курти и претседателката Вјоса Османи.
„Албин Курти ја отфрли секоја идеја претставена од Западот. За жал, Владата на Германија не ги прифати решенијата кои Тачи и Вучиќ се договорија да ги спроведат. Германците се на погрешната страна на историјата: го поддржуваат фашистот Курти. Секоја земја во светот го осуди Курти за поттикнување насилство – освен Германија. Републиканците и демократите ретко се согласуваат … но се согласуваат дека Курти е проблемот“, напиша Гренел.