Претседателот на Србија, Александар Вучиќ, денеска го прими пратеникот на ЕУ, Мирослав Лајчак, со кого разговараше за ситуацијата на Косово и Метохија.
– Ги разгледав последните настани на Косово и Метохија и проблемите со кои се соочуваат Србите поради едностраните и нелегитимни потези на Приштина. Ја истакнав неопходноста од спроведување на договорот за Заедницата на српските општини и почитување на правата и волјата на нашиот народ. Србија е решена да продолжи со конструктивниот дијалог, со цел одржување на мирот и стабилноста и постигнување подобри услови за животот на сите граѓани – објави претседателот на официјалниот Инстаграм профил Иднината на Србија по разговорот со Лајчак.
За потсетување, пратеникот на Европската унија за дијалог меѓу Белград и Приштина, Мирослав Лајчак, денеска престојува во Белград, каде по средбата со претседателот е најавена негова средба со министерот за надворешни работи, Ивица Дачиќ, на Министерството за надворешни работи.
View this post on Instagram