![](https://triling.mk/wp-content/uploads/2022/05/64q53treqd-750x430.jpg)
Новиот премиер на Црна Гора се обрати пред европарламентарците, им порача:
„Не смееме да гледаме на Западен Балкан како на црна дупка во Европа. Ако останеме надвор од Европа, треба да знаете дека не е невозможно Западен Балкан за неколку години да стане новата Украина“.
Toj рече дека Европа е во нова фаза поради руската агресија врз Украина и дека одлуките треба да се носат побргу и попаметно.
„Мислам дека ова се историски моменти не само за Црна Гора туку и за цела Европа. По 24 февруари, почетокот на руската инвазија на Украина, светот е поинаков и повеќе од кога било луѓето во Црна Гора, регионот и Европа разбираат дека треба да бидеме заедно и да дадеме сѐ од себе за да го завршиме нашиот дел од работата, а од друга страна, европските институции го признаваат тоа“ смета Абазовиќ.