![](https://triling.mk/wp-content/uploads/2022/02/35rwedsxz-750x430.jpg)
Европската Унија ќе почне со испорака на оружје за Украина, што е првпат во нејзината историја да преземе таков чекор. Ова денеска на прес-конференција го најави претседателката на Европската комисија – Урсула фон дер Лајен. Таа најави серија нови санкции насочени кон Русија и Белорусија, како и забрана за Русија да го користи европскиот воздушен простор.
Фон дер Лајен рече дека блокот, првпат во историјата „ќе го финансира купувањето и испораката на оружје и друга опрема во земја што е нападната“.
Ќе има и три нови транши санкции.
„Го затвораме воздушниот простор на ЕУ за Русите. Предлагаме забрана за сите авиони што се во руска сопственост, регистрирани во Русија и контролирани во Русија. Овие авиони повеќе нема да можат да слетуваат, полетуваат или да прелетуваат на територијата на Европската Унија“ – рече таа.
Освен тоа Фон дер Лајен рече и дека „Државните Раша тудеј и Спутник, како и нивните подружници, повеќе нема да можат да ги шират своите лаги за да ја оправдаат војната на Путин“.
We are stepping up our support for Ukraine.
For the first time, the EU will finance the purchase and delivery of weapons and equipment to a country under attack.
We are also strengthening our sanctions against the Kremlin.
https://t.co/qEBICNxYa1— Ursula von der Leyen (@vonderleyen) February 27, 2022