Трамп објави нови договори со фармацевтските компании за намалување на цените на лековите

Американскиот претседател Доналд Трамп објави нови договори за намалување на цените на лековите со неколку фармацевтски компании, вклучувајќи ги австралиската CSL, индиската Sun Pharmaceutical и белгиската UCB.

Компаниите се обврзаа да обезбедат лекови за американската државна здравствена програма Медикејд според условите на таканаречената најповластена нација, рече Трамп за време на состанокот во Белата куќа.

Ова е „огромен попуст за кој се очекува значително да ги намали трошоците за здравствена заштита“, рече американскиот претседател.

Сепак, се уште не е јасно колку лекови се опфатени со договорите и колкав ќе биде вистинскиот износ на заштеди за државата и пациентите. Белата куќа не објави детали за договорите.