![](https://triling.mk/wp-content/uploads/2022/02/536tegrfd-750x430.jpeg)
Средба Мицотакис- Харис во Минхен
Грчкиот премиер Кирјакос Мицотакис и потпретседателката на САД Камала Харис имале средба во Минхен на која се разговарало за билатералните односи, случувањата во Украина и во Источниот Медитеран, како и енергетските проекти на Грција.
Според информаците од кабинетот на грчкиот премиер, тој ја информирал американската потпретседателка за случувањата во Источниот Медитеран и ја истакнал „опасноста од дестабилизација поради ескалацијата на турските провокации“, ја информирал и за енергетските проекти на Грција во конкретниот регион, а станало збор и за ситуацијата во Украина.
Мицотакис и Харис разговарале за целиот опсег на грчко- американските односи, „кои се на најдобро ниво досега“, а грчкиот премиер информирал за намерата во следните седмици да ги донесе на гласање во Парламентот промените на Договорот за взаемна одбранбена соработка меѓу Грција и САД и ги „разгледале перспективите за поблиска соработка во областа на одбраната што се отвораат по неодамнешните измени во договорот“.