Албанскиот премиер Еди Рама ја отфрли изјавата на рускиот министер за надворешни работи – Сергеј Лавров, кој изрази сомневање дека во Украина има албански платеници.
На денешната конференцијата одржана со потпретседателот на Европската комисија, Жозеп Борел, Рама рече дека ова е вознемирувачко и неосновано обвинување.
„Во однос на руската пропаганда, разговаравме и за спомнувањето на Албанија од страна на властите во Москва за проблематично присуство во овој конфликт и обвинувањето дека Албанија ја снабдува Украина со платеници заедно со Косово што е обвинение на прво место без никаква основа, но и вознемирувачка. Сепак, ние многу внимателно го следиме и овој аспект“ – рече Рама.
Порача дека третата светска војна треба да се избегне, бидејќи, според него, оваа војна не засега сите нас и изрази уверување дека ЕУ има услови да ја неутрализира оваа ситуација.
„Мора да избегнеме трета светска војна, така што оружјето што го користи Кремљ, мора да го неутрализираме со многу трпение, со многу одлучност и со голема јасност дека тоа не е војна што не нè засега сите. Наше е целосно да го одбраниме она со што сме се бореле претходно и да не се враќаме таму, но исто така да не дозволиме руската сила да се прошири. Верувам дека ЕУ има услови ова оружје да го неутрализира и сигурен сум дека ќе го неутрализира бидејќи ги има сите ресурси“ – нагласи Рама.