ВЛЕН му возврати на ВМРО-ДПМНЕ за Брвеница: „Ниту една партија не е сопственик на гласовите“

Коалицијата ВЛЕН порача дека ниту една политичка партија не може да ги контролира гласовите на граѓаните ниту да тврди дека тие ѝ припаѓаат, по изборите за градоначалник на Брвеница. Реакцијата доаѓа по обвинувањата од ВМРО-ДПМНЕ, која својот владин коалициски партнер го нарече „тројански коњ“ во корист на ДУИ.

„Ниту една политичка партија не ги контролира гласовите и не може да тврди дека е нивен сопственик. Гласовите им припаѓаат на граѓаните, кои се слободни да одлучат кому ќе му ја доверат својата поддршка. Ова е демократски принцип што сите мора да го почитуваат“, порачаа од ВЛЕН.

Од коалицијата оценуваат дека изборите во Брвеница се одржале во слободен и демократски процес, без инциденти и без прекршување на изборните правила.

Според ВЛЕН, изборниот исход покажал дека Македонија има уште многу работа до изградбата на вистински граѓански и инклузивен модел.

ОД ВЛЕН, сметаат дека изборниот исход покажал дека Македонија има уште многу работа до изградбата на вистински граѓански и инклузивен модел.

„Граѓански модел не може да се гради со повици за етничко гласање заедно со СДСМ и Левица. Затоа што таму каде што е Левица, ги нема Албанците!“, се наведува во реакцијата.

Од ВЛЕН предупредуваат дека во етнички разновидните општества секоја акција предизвикува реакција и дека политичката реторика заснована на етнички поделби може дополнително да ги продлабочи разликите меѓу заедниците.

„Таквиот пристап ризикува да создаде затворен круг на поттикнувачка и поларизирачка реторика и да ги продлабочи етничките поделби. Како последица, наместо напредок, ќе имаме назадување“, порачуваат од коалицијата.

„Граѓански модел не може да се гради со повици за етничко гласање заедно со СДСМ и Левица. Затоа што таму каде што е Левица, ги нема Албанците!“, се наведува во реакцијата.

Од ВЛЕН предупредуваат дека во етнички разновидните општества секоја акција предизвикува реакција и дека политичката реторика заснована на етнички поделби може дополнително да ги продлабочи разликите меѓу заедниците.

„Таквиот пристап ризикува да создаде затворен круг на поттикнувачка и поларизирачка реторика и да ги продлабочи етничките поделби. Како последица, наместо напредок, ќе имаме назадување“, порачуваат од ВЛЕН.

Реакцијата следува откако ВМРО-ДПМНЕ соопшти дека, и покрај растот на бројот на гласови во вториот круг, нејзиниот кандидат не успеал да победи во Брвеница. Партијата ги обвини ДУИ, СДСМ, Левица и ВЛЕН дека дејствувале против неа, а особено го критикуваше ВЛЕН, оценувајќи дека не успеал да се издигне над етничкиот национализам.

ВЛЕН, пак, инсистира дека волјата на граѓаните мора да биде над секој партиски интерес и дека во локалната демократија таа треба да остане непартиска.

Тие им се заблагодарија на сите граѓани што учествувале во изборниот процес и го искористиле своето право на глас.