![](https://triling.mk/wp-content/uploads/2022/01/37564tr-750x430.jpg)
Од денеска соседна Албанија го започнува двегодишниот мандат на непостојана членка на Советот за безбедност на Обединетите нации (ОН), каде е избрана за периодот 2022-2023 година.
Изборот во Советот за безбедност, за првпат по 66 години членство во ОН, претставува голем предизвик, но и одлична можност за Албанија, која се пријави како консензуален кандидат на Групата источноевропски земји.
Изборот на Албанија во овој Совет е едно од најголемите достигнувања во меѓународната дипломатија за земјата.
„Добра вест. Со 175 гласови од 117 потребни, Албанија штотуку е избрана за членка на Советот за безбедност на ООН за 2022-2023 година“ напиша своевремено Рама.
Совет го сочинуваат 15 членки, при што САД, Обединетото Кралство, Франција, Русија и Кина се 5 постојани членки, а останатите 10 земји членки имаат мандат од по 2 години.