Последниот 16-минутен молк пред Правниот факултет во Белград

Студентите во блокадата на Правниот факултет на Универзитетот во Белград организираа 16-минутно молчење што почна во во 11:52 часот за последен пат за загинатите при падот на настрешницата на железничката станица во Нови Сад на 1 ноември 2024 година.

Студентите на Правниот факултет, пред кој организираа 16-минутно молчење секој ден во претходните две години, објавија на својот Инстаграм дека веруваат дека времето на одговорност „конечно дојде“.

„Затоа решивме, еден ден пред митингот во Нови Сад по повод двегодишнината од падот на настрешницата, да одржиме 16 минути молчење за последен пат на крстосницата пред Правниот факултет“, се наведува во соопштението.

Тие им се заблагодарија на сите граѓани кои, заедно со нив, секојдневно ја потсетуваа јавноста за што се борее студентите.

Студентите претходно објавија дека комеморативниот собир, по повод две години од падот на настрешницата на железничката станица, ќе се одржи и во Нови Сад во 11:52 часот.