Aвион удри во возило на писта на аеродромот во Њујорк

Федералната администрација за воздухопловство на САД (FAA) нареди целосно суспендирање на летовите на аеродромот Ла Гвардија во Њујорк поради, како што наведоа, „вонредна состојба со авион“. Противпожарната служба на Њујорк потврди дека нејзините екипи интервенирале поради инцидент на пистата во кој учествувале авион и возило, а извештајот бил примен околу 23:38 часот по локално време, пишува CNN.

Како што е објавено на веб-страницата за следење на летови FlightRadar24, авион на Air Canada Express што летал од Монтреал се судрил со возило на земја при слетување на аеродромот Ла Гвардија во Њујорк.

Непотврдени снимки на социјалните медиуми покажале оштетување на носот на авионот.