Бројот на загинати во нападите на израелската армија врз Појасот Газа од 7 октомври 2023 година се искачи на 33.175.
Најновите податоци за израелските напади врз Појасот Газа, кои траат веќе 184 дена, се објавени во соопштение за медиумите од Министерството за здравство во Газа.
Во соопштението за медиумите се наведува дека во последните 24 часа во нападите на израелската армија врз Појасот Газа загинале 38 Палестинци, а 71 е ранет.
Според извештаите, бројот на загинатите во израелските напади врз Појасот Газа од 7 октомври достигна 33.175, а повредени се 75.886.
Во соопштението за медиумите се посочува и дека под урнатините и покрај патот се уште има мртви тела, но поради попречување на израелските сили, медицинските тимови и службениците за цивилна заштита не можат да стигнат до телата.
Израел започна офанзива во Појасот Газа по прекуграничниот напад на палестинската група Хамас на 7 октомври во кој загинаа околу 1.200 луѓе.
Израелската војна турна 85 отсто од населението на Појасот Газа во внатрешно раселување со акутен недостиг на храна, чиста вода и лекови, додека 60 отсто од инфраструктурата на енклавата е оштетена или уништена, според податоците на Обединетите нации.
Израел е обвинет за геноцид пред Меѓународниот суд на правдата. Привремената пресуда во јануари му наложи на Тел Авив да ги запре геноцидните дејствија и да преземе мерки за обезбедување хуманитарна помош за цивилите во Газа.