Кристалина Георгиева: Вештачката интелигенција ќе влијае на 60 отсто од работните места

Вештачката интелигенција ќе влијае на 60 отсто од работните места во развиените економии, изјави директорката на Меѓународниот монетарен фонд Кристалина Георгиева пред форумот во Давос.

Извештајот на фондот предвидува дека овој процент ќе се намали на 40 отсто на пазарите во развој и на 26 отсто во другите земји. Влијанието на вештачката интелигенција врз работните места ќе биде негативно за околу половина од нив, додека останатите може да имаат корист поради зголемената продуктивност, објави БНР.

Георгиева предупреди:

„Доколку немаме внимателна распределба на придобивките од вештачката интелигенција, а нееднаквоста драматично расте, тоа би можело да го наруши општествениот поредок на начин што ќе биде многу нездрав за светот. Мрежите за социјална заштита во светот на вештачката интелигенција се најважни“.

Кристалина Георгиева предвидува дека 2024 година ќе биде многу тешка година во однос на фискалната политика, особено за земјите каде што претстојат избори.

Причината е што треба да се изградат тампон за справување со акумулираните долгови за време на пандемијата ковид-19, а во ситуација на гласање обично постои притисок да се преземе повеќе трошење. Георгиева истакна дека годинава ќе има избори во вкупно 80 земји.