Лагард: Економската активност во еврозоната стагнира во последните месеци

Лагард го припиша благиот пад на реалниот БДП на еврозоната во третиот квартал на комбинација на фактори, вклучувајќи го поширокото влијание на повисоките каматни стапки, слабата странска побарувачка и слабеењето на стимулацијата од повторното отворање на економијата по пандемијата.

Економската активност во еврозоната стагнира во последните квартали и се очекува да остане слаба до крајот на годината, изјави претседателката на Европската централна банка (ЕЦБ), Кристин Лагард, пред Европскиот парламент за време на своето обраќање во понеделникот.

Лагард го припиша благиот пад на реалниот бруто домашен производ (БДП) на еврозоната во третиот квартал на комбинација на фактори, вклучувајќи го поширокото влијание на повисоките каматни стапки, слабата странска побарувачка и слабеењето на стимулацијата од повторното отворање на економијата по пандемијата.

Таа, сепак, изрази оптимизам за економското закрепнување на блокот во наредните години, наведувајќи го натамошниот пад на инфлацијата, закрепнувањето на приходите на домаќинствата и зголемената побарувачка во областа, пренесува Klix.ba.

Во однос на инфлацијата, Лагард призна дека платите ќе продолжат да играат клучна улога во поттикнувањето на домашната инфлација.

Иако таа очекуваше продолжување на слабеењето на инфлациските притисоци, среднорочните изгледи за инфлацијата, како што наведе, сè уште се опкружени со значителна неизвесност.

Што се однесува до монетарната политика, Лагард потврди дека идните референтни каматни стапки на ЕЦБ ќе бидат поставени на доволно рестриктивни нивоа колку што е потребно за да се исполни нејзината цел за намалување на инфлацијата на два отсто.

„Соодветното ниво и времетраењето на ограничувањата ќе продолжат да се одредуваат на начин базиран на податоци, оценувајќи ги изгледите за инфлацијата, динамиката на основната инфлација и силата на преносот на монетарната политика“, рече Лагард.

Таа истакна дека ЕЦБ ќе обезбеди стабилност на цените и ќе ја поддржи зелената транзиција на економијата на еврозоната.