Косовската претседателка Вјоса Османи изјави дека суспензијата на одлуката за визна либерализација, која треба да стапи на сила од 1 јануари, ќе го убие дијалогот меѓу Косово и Србија, пренесува Економија онлајн.
Османи, коментирајќи ја изјавата на францускиот претседател Емануел Макрон, кој рече дека неговата земја ќе ги разгледа преземените обврски за економските прашања и визната политика за Косово и Србија, доколку не се однесуваат одговорно, изјави дека суспензијата на визната либерализација ќе да биде казна за граѓаните на Косово, а не за политичарите.
„Тоа е начин да се убие дијалогот засекогаш. Ако некој сака да го прекине дијалогот, тогаш преземе такви мерки, кои се казнени мерки против народот на Косово. Тие не се против лидерите или политиката, туку против народот на Косово. А таквата невидена казна ќе резултира со смрт на дијалогот. Никој нема мандат да оди во Брисел, кога народот на Косово е казнет“, рече Османи.
Таа додаде дека во јули во Братислава Косово постигна договор со Европската унија за деескалација на ситуацијата на северот.
Според неа, на 1 септември ќе биде готова правната основа за одржување избори на северот.
Според тоа, Османи очекува ЕУ да ги укине казнените мерки против Косово, кои според неа се неправедни и непропорционални.
– Договорот од Братислава предвидува најбрзо можно враќање на дијалогот на високо ниво меѓу Косово и Србија – рече Османи.