Српскиот претседател Александар Вучиќ денеска одговарајќи на новинарско прашање рече дека ако сакаат избори, ќе ги имаат побрзо отколку што мислеле и повторно ќе загубат.
– Слушам со денови, слушнавте како ми се закануваа пред 15 дена „ако распишам избори Србија ќе стане“. Вчера се предомислија, сега сакаат избори по секоја цена. Ако јасно ја изразат својата волја и желба за избори, ќе ги имаат побрзо отколку што мислеа и ќе изгубат повторно и со поубедлива разлика од минатиот пат – заклучи претседателот.
Тој на својот Инстаграм профил им се заблагодари на граѓаните кои му посакаа добредојде и истакна дека државата ќе продолжи да инвестира,
– Ви благодариме за прекрасниот пречек. Добро завршена работа за многу кратко време. Задоволен сум како изгледа новиот мост на Млава, кој е завршен за три месеци. Овој мост е клучен за цел Петровац и неговата околина, како и за сите граѓани на Петровац на Млава. Ќе продолжиме да инвестираме, да градиме и да работиме за да ги вратиме нашите луѓе од странство во Петровац. Би сакал оние луѓе кои научиле да работат во странство, кои имаат одговорност и сериозност, да одлучат да се вратат во својата земја, за да продолжиме заедно да ја градиме нашата Србија. Ви благодариме за огромната поддршка што ја дадовте во секоја голема работа. Не ни претстои лесен период, па добро е да можеме да градиме и работиме и да им ја обезбедиме иднината на нашите деца – напиша претседателот на Србија.