Хусеин Коториќ, полицаецот кој вчера беше ранет од Нермин Сулејмановиќ, кој ја уби својата невенчана сопруга и уште две лица, зборуваше за Телеграф.рс по трагичните настани.
Во морето информации што кружеа вчера се појави и фактот дека Коториќ им подлегнал на повредите. За среќа, тоа набрзо беше демантирано, како што потврди и самиот Коториќ.
Имено, по укажаната помош во болница, тој е пуштен на домашно лекување. Кога го контактирале, тој имал само едно да каже: „Благодарам за грижата, добро сум“.
Тој не сакал ништо да каже за самиот настан, како што налага неговата професија.
Да потсетиме, Нермин Сулејмановиќ (35) вчера уби три лица, а уште толку повреди во Градачац кај Тузла во Босна и Херцеговина.
Починале неговата невенчана сопруга Низама Хеќимовиќ, млад човек (23) и татко му – турски државјани, кои убиецот од претходно ги познавал и со кои имал правна расправија.
Освен Коториќ, Сулејмановиќ ги ранил и братучедот на убиениот Низам, Недим Памуковиќ и Хариса Џенгиз, сопругата на убиениот Ондер.
Лекарите се борат за животот на Хариса, која со тешки повреди била примена во болница.
Во болница е хоспитализирано и деветмесечното бебе на убиецот. Детето било пронајдено во куќата во која била убиена нејзината мајка во локва крв и е хоспитализирано како превентивна мерка на Одделот за педијатрија во УКЦ Тузла.