Шпанските медиуми тврдат дека е договорено доаѓањето на Мбапе во Реал Мадрид

Според шпанските медиуми, играчот на париските „светци“ Килијан Мбапе во Реал Мадрид ќе добие договор на пет години.

Сагата околу трансферот на Французинот е главна тема на трансфер гласини во последните две години. Повеќе извори пренесуваат дека договорот е блиску, а во прилог оди и тоа што напаѓачот има договор со ПСЖ до летото следната година и дека не сакаат да го пуштат бесплатно.

Француските медиуми вчера објавија дека клубот му постави ултиматум и дека тој има рок до крајот на јули да каже дали ќе го продолжи договорот или ќе мора да го продаде.

Истовремено, „Кадена СЕР“ пренесува дека играчот ги договори сите лични услови со Реал и дека сега се чека само договор меѓу клубовите околу надоместот.

Се очекува платата на Мбапе во Реал да изнесува 50 милиони евра годишно. Покрај тоа, клубот ќе се погрижи во договорот да има откупна клаузула од една милијарда евра.