Припадниците на српската полиција доцна синоќа го уапсија Н.Ѓ. (20) поради постоење основи на сомнение дека извршил кривични дела тешко убиство во обид и недозволено изработување, држење, носење и тргување со оружје и распрскувачки материјали.
Тој се сомничи дека синоќа на улица „Максим Горки“ во Белград со истрели од огнено оружје на дваесет и шестгодишен белграѓанец и дваесет и едногодишен Македонец им нанел тешки телесни повреди, а потоа побегнал. Полицијата набрзо го идентификувала и го пронашла.
По наредба на Вишото јавно обвинителство во Белград, на осомничениот му е одреден притвор до 48 часа, по што ќе биде изведен пред обвинител.
Двете лица беа ранети синоќа на аголот од улиците „Максим Горки“ и „Цар Николај“ во Белград. Во пукотницата во Врачар со повреда на десната надколеница се здобил мажот А.П., по што бил префрлен во Ургентниот центар.
Недалеку од таму, во улицата „Новопазарска“ е пронајден уште еден маж со повреда во грбот.