Џери Спрингер, водителот познат по својот бурен стил на разговор, почина на 80-годишна возраст.
Спрингер почина мирно во четвртокот во својот дом во Чикаго, потврдија неговите менаџери за Би-Би-Си.
Пред да ја започне својата новинарска кариера, за време на која беше политички известувач и коментатор, Спрингер беше градоначалник на Синсинати во 1977 година и советник за време на политичките кампањи на Роберт Кенеди, политичар и брат на поранешниот американски претседател Џон Кенеди.
Започнато во 1991 година, шоуто „Џери Спрингер“ првично беше засновано на дискусија за социјалните прашања и американската политика.
Во повеќето епизоди гостите зборуваа за семејни проблеми, прељуба и други престапи.
Спрингер требаше да посредува во овие разговори, но тие често завршуваа со физички пресметки, додека обезбедувањето се обидуваше да ги смири гостите.