Македонскиот фудбалски репрезентативец Елиф Елмас според најавуте ќе добие шанса од првата минута на утрешното четвртфинале од Лигата на шампионите меѓу Милан и Наполи, и тоа во улога на „лажна деветка“, како најистурен играч во нападот на „наполитанците“.
Информација ја најавуваат италијански медиуми, а според нив, Елмас е најдоброто решение за напаѓачката криза со која се соочува Лучијано Спалети, токму пред клучните европски натпревари.
Виктор Осимен се врати повреден од репрезентативната пауза и се уште не е подготвен за настап, а проблем плус претставува фактот дека Џовани Симеоне влезе во игра во второто полувреме против Лече и само десетина минути подоцна мораше да биде заменет поради повреда на мускулот.
За главоболките на Спалети да се уште поголеми, на вчерашниот тренинг на повреда се пожали и Распадори, третиот фудбалер што Наполи го има во тимот.
Тренерот на Наполи за време на вчерашниот тренинг пробувал тактика со Елмас како „лажна деветка“, а информациите од Италија се дека македонскиот „дијамант“ сосема добро одговорил на овој предизвик.