Ивановска: Коридорите на Владата ќе имаат посебен третман во Антикорупциската комисија

Државната комисија за спречување на корупцијата (ДКСК) отвори предмет за коридорите 8 и 10д, собран е материјал, а се очекува и останата документација наскоро да биде комплетирана, изјави претседателката на комисијата Билјана Ивановска, која притоа, нагласи дека на овој предмет ќе му се даде особено значење и внимание за да се утврди вистината која потоа, како што рече, ќе биде презентирана на јавна седница,

„Поради специфичноста, предметот ќе го работи тим и од советници и од членови на Комисијата, што говори дека ќе му посветиме особено значењеие со цел вистината да ја извадиме на виделина и резултатите јавно да ги соопштиме, изјави Ивановска пред почетокот на годишна конференција за оценка на остварувањето на Националната стратегија за спречување на корупцијата и судирот на интереси 2021-2025.

По бројните новинарски написи преку кои се изнесуваше сомнеж за можни коруптивни моменти во договорите за изградба на коридорите и надзор над работите, по допрен глас и Основното јавно обвинителство за гонење на организиран криминал и корупција отвори постапка за проверка на наводите.

Ивановска, информирајќи за работата на ДКСК во текот на изминатите месеци и ланската година, рече дека проблем во истражувањето на можна корупција се честите промени на министрите, директорите и другиот раководен кадар.

Во однос на различните мислења на вицепремиерката Славица Грковска за одговорноста во институциите, Ивановска рече:

„Институциите се водени од индивидуалци, преку кои се гради колеткивна одговорност. Ние, постарата генерација, живеевме во ооштество кое го сметавме за убаво. Ама денес младите не знаат да ги објаснат состојбите во оваа држава и излез сметаат дека има во странство. Но тоа не е точно, оваа држава има капацитети, има богатства, само треба енергијата правилно да се насочи“.