Шакира најпосле се пресели со двете деца во Мајами, оставајќи ги спомените за поранешниот партнер Пике, во Барселона, а многумина се љубопитни каде сега ќе живее пејачката.
Шакира се враќа во прекрасниот, огромен, луксузен дом во Мајами, кој за нејзина среќа, иако беше ставен на продажба во 2018 година, не успеа да ја постигне посакуваната цена и така си остана се уште нејзин.
Луксузниот имот е лоциран во една од најексклузивните области на Мајами.
Шакира го купила во 2001 година и моментално се проценува дека вреди повеќе од 17,5 милиони долари, додека цената (при неуспешната продажба во 2018 година) била 11, 8 милиони.
Денес пејачката повторно виде токму во оваа куќа идеално место за започнување на новиот живот.
Куќата е во бела боја и уредена во минималистички стил, има два ката распоредени на 750 квадратни метри, како и приватно пристаниште и спектакуларен поглед на морето.
Располага со голем надворешен базен во градината.
Првиот кат од куќата е целиот дизајниран со големи стакла и од сите соби има фантастичен поглед.
Куќата има 6 спални соби, 7 бањи и две големи дневни соби, една уредена во ориентална декорација и друга просторија со билијард.