Македонија ќе продолжи со поддршката на Украина во борбата за нејзиниот територијален суверенитет и интегритет, вели за Канал 5 министерката за одбрана Славјанка Петровска.
Петровска најави дека во тек се разговори за испраќање нова воена помош за Украина и додаде дека и покрај сите скептици и дезинформации, НАТО сојузниците се грижат едни за други и си помагаат.
Потпишан е договорот за набавка на системот за противвоздушна одбрана од Франција, објави Петровска и објасни дека стратешките документи за развој предвидуваат неопходност од ваков систем за Армијата.
Инаку, РИА Новости денеска објави на социјалните мрежи снимка од тенковите во пламен кои на украинската војска ѝ пристигнаа како воена помош од Македонија и од Словенија заедно со НАТО тенкови Т-72.