Кремљ: Отворени сме за преговори

Од Triling Mk Објавено 14/10/2022 02:09 124

Дмитриј Песков, портпаролот на рускиот претседател Владимир Путин, кажа дека целите на „руската воена операција“ во Украина остануваат непроменети додавајќи дека тие можат да се постигнат и со преговори.

„Насоката не се смени, специјалната воена операција продолжува и ќе трае сè додека не ги оствариме поставените цели“, кажа Песков и додаде: „Повеќе пати повторивме дека остануваме отворени тие цели да ги постигнеме со преговори“.

Тој истакна дека и покрај отвореноста на Кремљ за преговори не гледа можност за разговори со Западот во блиска иднина поради непријателскиот став кон Русија.

„За разговор се потребни две страни, а Западот сега зазема многу, многу непријателски став кон нас, така што не сметам дека какви било разговори ќе бидат можни во блиска иднина“, кажа Песков.