„Претседателот на СДСМ, Димитар Ковачевски во своето учество на првиот состанок на Европската политичка заедница, оствари бројни средби со европски лидери и високи претставници на ЕУ, со цел да ја зајакне меѓунардоната позиција на државта и да го реафирмира нашиот европки пат. Ковачевски продолжува со напорите заедно со нашите пријатели и сојузници, да обезбеди доволно енергенси и електрична енергија за претстојната зима која ќе биде една од најтешките во Европа по Втората светска војна“ велат од владејачката СДСМ.
Оттаму посочуваат дека „во меѓувреме, Христијан Мицкоски заедно со неговиот единствен поддржувач, Димитар Апасиев, остануваат на спротивната страна од интересите на граѓаните“.
„Додека Ковачевски и Владата преземаат конкретни чекори за побрзо надминување на последиците од кризата, Мицкоски дејствува единствено за личните и интересите на одредена бизнис група во ВМРО-ДПМНЕ. Тоа е разликата помеѓу одговорниот државнички однос на Ковачевски и СДСМ и деструктивноста и неодговорноста на Мицкоски и ВМРО-ДПМНЕ“ потенцираат од СДСМ.