Советникот на Зеленски: Наскоро ќе објавиме одлична вест

Украинскиот претседател вечерва ќе објави „позитивна вест за контраофанзивата на неговата армија во источниот регион Харков“, најави Сергеј Лешченко, неговиот штабски советник.

„Вечерва од претседателот Зеленски ќе пристигнат одлични вести за контраофанзивната операција во регионот Харков“, најави тој.

Тој не даде повеќе детали.

Украина минатата недела започна контраофанзива, главно фокусирана на јужниот регион Херсон. Досега има пријавено неколку успеси.