Бугарско-македонскиот спор се пренесува и во Албанија, недоразбирање се јавува околу евентуалното одвојување на два региони во Албанија – Голо Брдо и Гора, во посебни општини.
Во овие области е концентрирано бугарското малцинство, признато од Парламентот во Тирана во 2017 година, но организации блиски до Скопје тврдат дека населението во овие области е македонско.
Како што објави БНТ, жителите на овие места, кои се декларираат дека се Бугари, побарале итна средба со претседателот Румен Радев.
Бугарската заедница во Албанија живее во регионите Мала Преспа, Голо Брдо и Кукушка Гора. Тие бројат неколку десетици илјади и официјално беа признати како малцинство од албанскиот парламент во 2017. Според бугарски експерти, тие живеат таму со векови.
Сега се очекува областите Голо Брдо и Гора повторно да се одвојат во посебни општини, што ќе му овозможи на тамошното компактно бугарско население полесно да привлекува инвестиции, да го докаже своето бугарско потекло и да побара помош од Бугарија.
Освен недостигот на претставници на власт, ниту еден официјален албански документ не укажува каде живее бугарската заедница, па така на нив им е се потешко да го докажат потеклото врз основа на извод од матична книга на родените.
Во октомври ќе има попис во Албанија, а паралелното движење со прашањето за поделба на општините, сепак, е загрозено од тамошните организации на Македонците кои имаат свој пратеник.
Васил Стерјовски е човекот кој тврди дека во Албанија има само Македонци, а не Бугари и дека Софија ја бугаризира Тирана. Стерјовски сака јасно да стави до знаење дека општините Голо Брдо и Гора имаат македонско население.