До денеска 361 дете загина, а 706 деца беа повредени како резултат на целосната вооружена агресија на Русија во Украина, ја пренесува „Укринформ“ објавата на Јавното обвинителство на Украина на „Телеграм“.
„Повеќе од 1.067 деца во Украина се погодени како резултат на целосната вооружена агресија на Руската Федерација. Од утрото на 12 август 2022 година, официјалниот број на убиени деца не се промени во изминатиот ден – 361. Зголемен е бројот на повредени деца – повеќе од 706“ – објави украинското Јавно обвинителство.
Како што е наведено, овие бројки не се конечни бидејќи траат напорите за утврдување на жртвите во областите на активни воени дејствија, на привремено окупирани и ослободени територии.