Левандовски од Баерн за 50 милиони евра се сели во Барселона

Падна договор за трансфер на полскиот фудбалски голгетер Роберт Левандовски од Баерн Минхен во Барселона.

Доцна синоќа е постигнат договор за трансфер на Левандовски на „Камп Ноу“, а Барселона ќе плати 45+5 милиони евра. Полјакот ќе потпише договор со каталонскиот гигант на три години со опција да го продолжи на уште една сезона.

Се очекува напаѓачот денеска да пристигне во Шпанија на лекарски прегледи и на потпис.

Медиумите во Германија шпекулираат дека парите од продажбата на Левандовски ќе бидат искористени за ангажман на Матајс де Лихт од Јувентус, но не се исклуува можноста и Кристијано Роналдо да ги засили редовите на Баварците.