ФСБ: Странски агенции шпионираат телефони на високи руски функционери

Странски разузнавачки агенции инсталирале шпионски софтвер на паметните телефони на високи руски функционери со цел да ги прислушуваат и шпионираат, објави денеска Руската Федерална служба за безбедност (ФСБ).

Податоците се извлечени од паметни телефони со помош на технологија од американските ИТ компании Fastly и Cloudflare, објавија руските медиуми.

„Прислушувањето на телефоните на високи руски функционери со помош на шпионски софтвер стана една од најголемите операции што ги спроведуваат странските разузнавачки агенции“, објавија оперативците на ФСБ.

Според руските оперативци, странските разузнавачки агенции планирале директно да собираат податоци за контактите, плановите и расположените на јавноста, без посредници како невладини организации.

ФСБ објави дека обидите за собирање податоци се извршени преку таен пристап до содржината и преписката, слушање на телефонските разговори, аудио и видео следење на околината околу уредот и собирање на геолокациски и контактни податоци.

„Западните разузнавачки агенции веруваа дека ќе биде полесно и поевтино масовно хакирање мобилни телефони отколку регрутирање скапи доушници меѓу оние што чуваат државни тајни“, забележа ФСБ.

Истрагата е во тек, а покрената е кривична постапка според членовите од кривичниот закон за неовластен пристап до компјутерски информации и создавање и дистрибуција на шпионски софтвер.