Во април 38 приговори поврзани со „Безбеден град“

Кривичниот суд Скопје, заради интересот на медиумите за предметите поврзани со системот „Safe City“ односно издавањето прекршочни налози за евидентирани сообраќајни прекршоци, ја известува јавноста дека бројот на граѓаните и правните лица кои не ја прифаќаат одговорноста за сторениот прекршок и поднесуваат приговор до надлежниот суд, во четвртиот месец е значително намален, а воедно веќе се завршуваат предметите по претходно поднесените приговор.

Па така, во месец април 2026 година, до Основниот кривичен суд Скопје поднесени се вкупно 38 приговори, односно барања за поведување прекршочна постапка пред суд, од кои 6 се приговори од правни лица и 32 се приговори од физички лица.