Мицкоски: Очекувам намалување на бензините за 2 денари и иста цена или минимално покачување на дизелот

Претседателот на Владата, Христијан Мицкоски денеска рече дека очекува во понеделник Регулаторната комисија да соопшти помали цени за бензините, и непромената или минимално зголемена цена за дизел горивата.

„Очекувам во понеделник намалување за 2 денари на безоловните бензини, и иста цена или минимално за половина денар зголемување на дизелот. Намалување на ДДВ-ти директно имплицира позитивен ефект“, рече Мицкоски.

Тој рече дека и натаму не размислуваат на рестрикции и на забрани.

„Немаме потреба од рестрикции и забрани засега. Имаме доволно количина. Ја следиме состојбата и ќе реагираме“, дополни премиерот.