Пожар во луксузен хотел на француските Алпи

Десетици луѓе синоќа се евакуирани кога избувна пожар од луксузен хотел во скијачкиот центар Куршевел на француските Алпи.

Локалните власти соопштија дека во пожарот нема повредени лица.

Пожарот синоќа избувна на таванот на „Хотел де грандес Алпи“, а повеќе од 90 луѓе беа евакуирани и се сместени во другите хотели. Утрово се евакуирани речиси 200 гости од блискиот хотел „Ле Лана“.

Огнот во „Хотел де грандес Алпи“ го гаснат 131 пожарникар.