Со двотретинско мнозинство, Собранието денеска го избра новиот состав на Државната изборна комисија. Од 92 присутни пратеници, 83 гласаа „ЗА“ екс-министерот Бојан Маричиќ да стане нов претседател на ДИК.
Покрај него, избрани се и Абдуш Демири за потпретседател на ДИК, а за членови на ДИК се избрани Александар Даштевски, Светлана Карапетрова, Борис Кондарко, Ангелче Ристов и Дитмире Шеху.
За овие функции беа пријавени 16 кандидати, повеќето правници, но и инженер по електротехника и дефектолог.