Русија тврди: Поканата на Лавров прифатена, шефот на српската дипломатија ќе ја посети Москва

Србија со големо задоволство ја прифати поканата на шефот на руската дипломатија неговиот српски колега Никола Селаковиќ да ја посети Русија, изјави рускиот амбасадор.

Александар Бочан Харченко за телевизијата „Русија 24“ изјави дека Србија со големо задоволство ја прифатила поканата на рускиот министер за надворешни работи Сергеј Лавров неговиот српски колега Никола Селаковиќ да ја посети Русија и дека веќе се дадени соодветни упатства во врска со тоа, пренесе агенцијата Срна.

Да потсетиме, шефот на руската дипломатија мораше да ја откаже посетата на Белград, поради што и се обрати на јавноста на вонредна прес-конференција од Москва, во момент кога требаше да биде на лет за Белград, каде што зборуваше за забрана и затворање на воздушниот простор .

На таа конференција, меѓу другото, Лавров рече дека Русија го поканува шефот на српската дипломатија да ја посети Москва.

Претседателот на Србија Александар Вучиќ вчера го изрази своето незадоволство од околностите кои го спречија доаѓањето на шефот на руската дипломатија.

Во разговор со рускиот амбасадор во Белград Александар Боцан-Карченко, Вучиќ додаде дека „Србија, и покрај сè, ќе ја зачува независноста и автономијата во политичките одлуки и ќе го продолжи европскиот пат, истовремено негувајќи ги традиционалните пријателски и партнерски односи со земјите на сите континенти и зачувување на воената неутралност.”