Осака по победата над Гоф: Само уживам и се забавувам

Јапонската тенисерка Наоми Осака, рангирана на 24-то место на WTA, го коментираше својот триумф над Американката Коко Гоф (6:3, 6:2) во натпреварот од четвртото коло на Отвореното првенство на САД.

– Во оваа фаза од мојата кариера, тоа е некако непозната територија. Само уживам. Се забавувам. Имам можност да играм против најдобрите тенисерки во светот. Бев на трибините околу два месеца откако ја родив ќерка ми, гледајќи ја Коко. Навистина сакав да добијам можност да дојдам тука и да играм. Ова е мојот омилен терен на светот и многу ми значи што сум повторно тука, рече 27-годишната Осака по пласманот помеѓу осумте најдобри.

Во четвртфиналето на УС Опен 2025, Осака ќе се соочи со Каролина Мучова од Чешка.